संवैधानिक व्यवस्थानुसार जेठमा निर्वाचन नभए पदबाट राजीनामा दिने अध्यक्ष ओलीको घोषणा

कर्णाली अनलाइन १६ माघ २०७८, आईतवार ०९:२८

दैलेख।जिल्लाको गुराँस गाउँपालिकाका अध्यक्ष खेमराज ओलीले संवैधानिक व्यवस्थानुसार आउँदो जेठमा स्थानीय तहको निर्वाचन नभए पदबाट राजीनामा दिने घोषणा गरेका छन्।स्थानीय सरकारको अवधि पाँच वर्षको रहने भनी संविधानमा व्यवस्था भएको र त्यही आधारमा आगामी जेठ महिनामा पाँच वर्ष पुग्ने भएकाले यसअवधिमा निर्वाचन नभएमा आफूले गाउँपालिका अध्यक्षबाट राजीनामा दिने ओलीको घोषणा छ।

वर्तमान गठबन्धन सरकार स्थानीय तहको निर्वाचनको मिति सार्ने तयारीमा रहेको शंका गर्दै उनले तोकिएकै समयमा चुनाव नगरे पदबाट राजीनामा दिने घोषणा गरेका हुन्।

उनले भनेका छन्, ‘सरकारले चुनाव घोषणा गरेन भने पनि म संविधान र जनताको अभिमतको कदर गर्दै २०७० साल जेठ ४ गते ठिक १ बजे नै जनताका नाममा सपथ खाएको समयमा आफ्नो पालिकाको अध्यक्ष पदबाट राजीनामा दिने घोषणा गर्दछु।’

नेपाली कांग्रेस दैलेख जिल्ला कार्यसमितिका सचिवसमेत रहेका ओलीले संवैधानिक व्यवस्थाअनुसार स्थानीय सरकारको अवधि आगामी ५ जेठमा सकिने बताए। ‘हामीले २०७४ साल वैशाख ३१ गते सम्पन्न स्थानीय तहको निर्वाचनमा निर्वाचित भएपछि जेठ ४ गते १ बजे शपथ खाएका हौं’, उनले भने, ‘अहिलेको सरकारले पनि त्यसै मितिसम्म निर्वाचन गरोस्। यदि सरकारले जेठभित्र निर्वाचन नगरे मैले शपथ खाएको मितिअनुसार नै पदबाट राजीनामा दिन्छु।’

 


Leave a Reply

Your email address will not be published. Required fields are marked *

Next Post

'आवश्यक भयो भने बोलाउनु होला ,नभए गेट बाहिरै जनताको मुद्धा राखुला 'भन्दै बाहिरिन-सांसद शाही

१६ माघ २०७८, आईतवार ०९:२८
सुर्खेत । कर्णाली प्रदेशसभाको नवौँ अधिवेशनको तेस्रो बैठक माघ १६ गते आइतबार दिउँसो दुई बजेबाट शुरू भयो । सबै सांसदहरू प्रदेश सभा हल भित्र प्रवेश गरे । सभामुख राजबहादुर शाहीले दैनिक कार्यासुची अनुसार बैठकलाई अगाडी बढाउनु पुर्व राष्ट्रिय गान र सहिदहरु प्रति मैनधारणको कार्यक्रम भयो । त्यस लगतै सबै सहभागी सांसदहरु आ–आफ्नो […]

सम्बन्धित शीर्षक