कालिकोट। नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले एमालेले गरेका काम देखेर विरोधीहरु डराएको बताएका छन। आइतबर कालीकोट जिल्लाको रास्कोटमा भएको बृहत् चुनावी सभालाई सम्बोधन गर्दे ओलीले यस्तो बताएका हुन्।
विशेष गरेर नेकपा एमालेको सरकारले दुर्गम महिला तथा गर्भवतीहरुका लागि ल्याएको राष्ट्रपति उद्धार जस्ता कार्यक्रमबाट विरोधीहरू डराएको ओलीले बताएका हुन्। उनले भने, ‘कर्णाली प्रदेशका दुर्गम जिल्ला कालीकोट लगायतका जनतालाई राहत दिनकम लागि महिला प्रजनन स्वास्थ्यमा समस्या समाधानका लागि हेलिकोप्टरबाट उद्धार गर्ने काम गयौँ। यी सबै कुरा देखेर विरोधीहरु डराएका छन्।’
यस्तै, ओलीले कसैसँग शिरनझुकाने गरेर देशको लागि काम गर्ने अगाडी बढेको जनतालाई चाहिने विकास, विद्यालयको पँहुच लगायतका काम गर्ने बताए।
उनले कालीकोटमा रहेका विभिन्न काम नगेर्न देखिएका डाडाँहरु आम्दनीका स्रोत हुन् सक्ने उल्लेख गरे। साथै उनले कच्ची बाटाघाटा पक्की गर्ने, आफ्नो गाउँ आफ्नै बनाउँ भन्ने नाराका साथ एमाले अगाडी बढीरहको दाबी गरे।
