काठमाडौं । कतारमा जारी फिफा विश्वकप २०२२ को सेमिफाइनल र फाइनल खेलका लागि नयाँ बल सार्वजानिक गरिएको छ ।एडिडासले आइतबार सार्वजानिक गरेको अल हिल्म बलको अरबिमा अर्थ हुन्छ ‘द ड्रिम’ अर्थात ‘सपना’ । यसअघि समहू चरणदेखि क्वार्टरफाइनल सम्म प्रयोग गरिएको बलको नाम ‘अल रिला’ रहेको थियो जसको अर्थ हुन्थ्यो ‘द जर्नी’ अर्थात ‘यात्रा’ ।
अतयाधुनिक प्रविधिको जडान गरेर बनाइएको यो बलमा अल रिलाको जस्तै विशेषताहरु रहेका छन् । जसले म्याच अफसियल हरुलाई चाँडो भन्दा चाँडो सही निर्णय लिन मद्दत गरेको छ ।
सेमिफाइनल खेलहरु आगमी मंगलबार र बुधबार हुनेछन् । मंगलबार राती १२ः४५ बजे हुने पहिलो सेमिफाइनलमा क्रोएसिया र अर्जेन्टिना भिड्दैछन् । यस्तै, दोस्रो सेमिफाइनलमा सविक विजेता फ्रान्स र मोरक्कोबीच प्रतिस्पर्धा हुनेछ ।
