काठमाडौँ।लोक सेवा आयोगका स्थगित परीक्षाहरु आगामी फागुन ६ गतेदेखि सुरु हुने भएका छन्। आयोगको बुधबार बसेको बैठकले स्थगित परीक्षा सञ्चालन गर्ने निर्णय गरेको हो।यसअघि कोरोना भाइरसको संक्रमण तीब्र बनेपछि आयोगले माघ ६ गते सूचना जारी गर्दै परीक्षा स्थगित गरिएको जानकारी गराएको थियो।
आयोगले सूचना जारी गर्दै स्थगित भएका उपसचिव वा सो सरह (अप्राविधिक/प्राविधिक), शाखा अधिकृत वा सो सरह (प्राविधिक) र स्वास्थ्य सेवातर्फ नवौँ, आठौँ र सातौँ तहका विभिन्न पदको परीक्षा फागुन ६ गतेदेखि सुरु हुने जनाएको छ।
