भक्तपुर। भक्तपुरमा टिपरले ठक्कर दिएर ८ वर्षीया बालिकाको मृत्यु भएको छ। भक्तपुरको चाागुनारायण नगरपालिका-८ सुडाल रानीबारीमा बा४ख ७३५२ नम्बरको टिपरले गएराति करिब १० बजे ठक्कर दिंदा आठ वर्षीया बिनिता मगरको मृत्यु भएको हो ।
सुडालबाट च्यामासिंहतर्फ आउँदै गरेको टिप्परले शनिबार राति करिब १० बजे ठक्कर दिएको थियो । प्रहरीका अनुसार ती बालिका स्थानीय बीएम इँटा भट्टामा कार्यरत बुबा सूर्यबहादुर मगरसँगै रहँदै आएकी थिइन् ।
