सुर्खेत। वीरेन्द्रनगरमा चुनावको मुखमा विभिन्न ठाउँहरूमा घटनाहरु घट्न थालेका छन् । गए राती जुम्ला रोडमा चुनाव प्रचार प्रसारका लागि प्रयोग गरिएको आगजनी गरिएको छ ।
पार्किङ गरी राखिएको बा – १४ च – ६८३१ नम्बरको स्कारपियो र कर्णाली प्रदेश – ०२ ००१ ख- ००६१ नम्बरको हाइस गाडीमा करिव रातको १२: ३० बजेको समयमा अज्ञात समूहले आगजनी गरि फरार भएको स्थानीय बासिन्दाले जानकारी दिएका छन् ।आगजनीमा स्कारपियो गाडीको पछाडिको टायर जलेको छ भने हाइसको भित्र र बाहीर धेरै जलेर नस्ट भएकाे छ। आगोलाई स्थानीय बासिन्दा,र नगर प्रहरीको सहायताले नियन्त्रणमा लिएको थियो । दुबै घटनाबारे छानबिन भइरहेको प्रहरीले जनाएको छ ।
