काठमाडौं ।आजको मन्त्रीपरिषदको बैठकले नेपाल सरकारका ६ जना सचिवहरूको सरुवा गरेको छ। गृह, वाणिज्य र अख्तियारका सचिवको सरुवा गरिएको हाे।
साथै राष्ट्रिय अनुसन्धान विभागका प्रमुख यदुलाल खरेलले भोलिदेखि लिने अनिवार्य अवकाशसँगै सरकारले आज विभागका एआईजी हुतराज थापालाई प्रमुखमा नियुक्त गर्ने निर्णय गरेको छ।
थापा विभागको तीन वर्ष प्रमुख हुनेछन्। राज्य व्यवस्था समितिमा छलफलमा रहेको ऐनमा राखिएको चार वर्षे व्यवस्था पास भएको अवस्थामा थप एक वर्षसमेत उनले खान पाउनेछन्। विभागको रिक्त एआईजीमा टेकेन्द्र कार्कीको बढुवा भएको छ।
