काठमाडौँ ।बुधबार नेप्से ४३.२२ अंकले बढेर २७४२.८८ विन्दुमा पुगेको छ। केही समयदेखि नेप्सेले २७ सयको विन्दुमा प्रतिरोध परीक्षण गरिरहेको थियो।दसैं अगाडि बजारले बढ्न सक्ने संकेत गरेको थियो।
सो समय नेप्सेको रेखा चित्रमा बनेको पाँच दिने मुभिङ एभरेज रेखाले २० दिने मुभिङ एभरेज रेखालाई पार गरेर माथि लागेको थियो। यस्तो भएमा बजार थप बढ्ने अनुमान गरिन्छ। यदि २० दिने रेखा बढ्न थालेर पाँच दिनेलाई तल पारेर माथि गयो भने बजार घट्न थाल्ने मानिन्छ।
दसैंपछि दुई दिनको कारोबारमा नेप्से परिसूचक ७५ अंकले बढेको छ। कारोबार रकममा पनि सुधार देखिएको छ। मंगलबार तीन अर्ब ६ करोड रूपैयाँको कारोबार भएकोमा बुधबार पाँच अर्ब ६६ करोड रूपैयाँ पुगेको छ। कारोबार रकम ८४ प्रतिशतले बढेको हो।
