भक्तपुर। जिल्लाको भक्तपुर नगरपालिका– १० कमलविनायकमा घरको ४ तल माथिबाट खसेर शुक्रबार बिहान बालिकाको मृत्यु भएको छ।महानगरीय प्रहरी परिसर भक्तपुरका अनुसार स्थानीय हरिनारायण सितिखूकी १५ वर्षीया छोरी सुनेना सितिखूको आफ्नै घरको ४ तला माथिबाट खसेर मृत्यु भएको हो।
घरको ४ तला माथिबाट बिहान ६ः१५ बजे खसेर गम्भीर घाइते भएकी सुनेनालाई उनका बुबाले उपचारका लागि भक्तपुर अस्पताल लगेका थिए। उपचारकै क्रममा शुक्रबार बिहाने ६ः३० बजे मृत्यु भएको भक्तपुर प्रहरीका प्रवक्ता प्रहरी नायब उपरीक्षक राजु पाण्डेले जानकारी दिए।उनका अनुसार घटनास्थलमा अनुसन्धान अधिकृतसहितको प्रहरी टोली खटिई गई अनुसन्धान कार्य अगाडि बढाइएको छ।
