चितवन। सौराहमा जारी एमालेको १० औँ महाधिवेशनअन्तर्गत मतदान सकिएको छ। सौराहस्थित सेभेन स्टार होटल परिसरमा विद्युतीय माध्यमबाट गरिएको मतदान प्रक्रिया सकिएको छ ।मतदानमा दुई हजार ८५ मत खसेको एमाले नेता योगेश भट्टराईले जानकारी दिए। उनले मतगणना सकिएर त्यसको मुचुल्का उठाउने काम गरिने बताए।
मत परिणाम मंगलबार नै आउने समेत आउने उनले जानकारी दिए। नेता भट्टराईले दिएको जानकारीअनुसार एमालेका कूल २ हजार १५३ महाधिवेशन प्रतिनिधिमध्ये ६८ जना मतदानमा सहभागी भएनन् ।एमालेले पहिलोपटक महाधिवेशनमा विद्युतीय माध्यमबाट मतदान गरेको छ। मतदानमा करिब ७० वटा विद्युतीय मेशिनको प्रयोग भएको छ।
