बझाङ। जिल्लाको बुङल नगरपालिका ८ दस्पलामा बिजुली बनाउने क्रममा बिजुलीको पोलमा करेन्ट लागेर एकजनाको घटना स्थलमै मृत्यु भएको छ। सानेगाड लघु जल विधुत आयोजनाअन्तर्गत रहेको बिधुत प्रसारण लाइनको मर्मत गर्ने क्रममा साही ठाँउका २४ वर्षिया राजन बहादुर बोहराको आइतवार साँझ करेन्ट लागेर मृत्यु भएको प्रहरीले जानकारी दिएको छ।
जिल्ला प्रहरी कार्यालय बझाङका प्रमुख प्रहरी नायव उपरीक्षक ज्ञान बहादुर विष्टले घटनाको पुष्टि गदैँ मृतक बोहराको शव पोष्टमार्टमपछि आफन्तको जिम्मा लगाएको छ ।
