पाल्पा।रैनादेवी छहरा गाउँपालिका–८ बुढीदमारका ३० वर्षीय हिमबहादुर राना मृत फेला परेका छन्।बुधबार घरनजिकै उनी मृत भेटिएको जिल्ला प्रहरी कार्यालय पाल्पाका सूचना अधिकारी तथा प्रहरी नायब उपरीक्षक वीरेन्द्र थापाले जानकारी दिए।
राना मंगलबार बिहान खरबारीमा बाख्रा चराउन गएका थिए। राति अबेरसम्म घर नफर्किएपछि परिवार र छिमेकीले उनको खोजी गरेका थिए। यस क्रममा घरनजिकै खरबारीमा उनको शव फेला पर्यो।
घटनाबारे सूचना पाएसँगै बल्ढेङगढी प्रहरी चौकी र जिल्ला प्रहरी कार्यालयबाट अनुसन्धान अधिृकतको टोली त्यहाँ पुगेको थियो। घटनाबारे अनुसन्धान भइरहेको प्रहरीले जनाएको छ।
