धन बहादुर भण्डारी
हुम्ला। मंगलबार रातिदेखि जिल्लाको मौसममा फेरवदल आएसँगै हुम्लामा विहीवार रातीदेखी उत्तरीभेग सगै सिमीकोट आसपासमा हिँमपात भएको छ । बुधबार विहानदेखि हुम्लामा बाक्लो बादल लागि रहेको थियो भने बिहिबार विहान देखि सिमकोट सहित तल्लो भेगमा पानी सगै हिँउ परिरहेको छ ।
उत्तरीभेग सगै जिल्लाको सदरमुकाम नजिकै सम्म हिमपात भईरहेको छ । चिसो मौसम शुरु भएसँगै सदरमुकाम वासीले बाक्लोबाक्लो कपडा लगाउन थालेका छन् । दिनमा भन्दा बिहान, बेलुका र राति चिसो अत्यधिक बढेको यहाँका स्थानीयले बताएका छन् । चिसो बढेसँगै सदरमुकाम सिमकोटमा बसोबास गर्नेले बाक्लो कपडाको खरिद गर्न थालेका छन । चिसोको समयमा यहाँ बाक्लो ज्याकेट, ऊनको टोपी, हातमा पञ्जा, गलबन्दीलगायत बाक्लो कपडा खपत हुने गरेको छ ।
सिमकोटमा रहेका पसलमा बाक्लो कपडाको खोजी गर्नेको सख्या बढ्नुका साथै यहाँका स्थानीयले बाक्लो कपडाको खरिद गर्न थालेका छन् । दिउँसो घाम राम्ररी लागे पनि चिसो हावाको चाप बढ्दै गएको महसुस गरिएको यहाँ स्थानीय गोरासिंह भण्डारीले बताउनुभयो । चिसोको समय शुरु भएसँगै सिमकोटमा बसोवास गर्दै आएका तल्लो गाउँ, माथिल्लो, बजारवासी र कर्मचारी, विद्यार्थीले दाउराको समेत खरिद गर्ने गर्दछन् । चिसो याम शुरु भएसँगै न्यानो भएर बस्न स्वास्थ्यकर्मीले सुझाव दिएका छन् ।
जिल्ला सदरमुकाम सिमकोटमा रहेका सरकारी तथा गैरसरकारी कार्यालयका कर्मचारीलाई काम गर्न समस्या समेत बनाएको छ । सदरमुकाम सिमकोट सहित आसपासका क्षेत्रमा विहानदेखि निरन्तर पानी परिरहेको छ भने उत्तरी हुम्लामा हिमपात भईरहेको छ । मौसममा फेरवदल आउँदा सिमकोटमा चिसो बढेको हो । चिसोका कारण कमै मात्र सेवाग्राही सेवा लिन आएको विभिन्न कार्यालयका कर्मचारीले बताएका छन् ।
