सुर्खेत। नेकपा माओवादी केन्द्र कर्णाली प्रदेशको राजधानी विरेन्द्रनगरमा जारी प्रथम ऐतिहासिक सम्मेलनबाट कर्णाली प्रदेश समितिको अध्यक्षमा विमला केसी निर्विरोध निर्वाचित भएकी छन। उहाँ यस अधि कर्णाली प्रदेश सरकारको भूमि व्यवस्था, कृषि तथा सहकारी मन्त्री समेत भएकी केसी २०४६ सालदेखी राजनीतिमा आवद्ध भएकी हुन् ।
१० वर्षे जनयुद्धमा भूमिगत भएकी केसी दुई पटक हिरासत बसेकी थिइन् । केसी रूकुमपश्चिमबाट निर्वाचित सांसद हुन् । बाँकी पदाधिकारीमा भने अझै टुंगो लाग्न बाँकी छ । मंगलबार मात्रै सम्मेलनले २११ सदस्यीय प्रदेश कमिटी घोषणा गरेको थियो ।
