काठमाडौँ। सर्वोच्च अदालतले ‘नो नट एगेन’ अभियानलाई रोक नलगाउन अन्तरिम आदेश दिएको छ । यसअघि यो अभियान नरोक्न सर्वोच्चले अल्पकालिलन अन्तरिम आदेश दिएको थियो । उक्त आदेशलाई नै निरन्तरता दिने गरी सर्वोच्चले यो मुद्दामा बिहीबार अन्तरिम आदेश दिएको हो ।
सामाजिक सञ्जाल फेसबुकमा पुराना र परीक्षत भइसकेका नेताहरुलाई आगामी चुनावबाट रोक्न आह्वान गर्दै चलाइएको यो अभियानका फेसबुक पेज र ग्रुपहरु बन्द गर्नुपर्ने भन्दै निर्वाचन आयोगले अभियानका पेज र ग्रुप बन्द गर्न प्रहरीलाई पत्राचार गरेको थियो ।
आयोगको उक्त कदम विचार तथा स्वतन्त्राको हकविरुद्ध भएको भन्दै अधिवक्ता अनिल आचार्यले सर्वोच्चमा रित दायर गरेका थिए । उक्त मुद्दामा बिहीबार थप सुनुवाइ गर्दै अदालतले यस्ताे आदेश दिएको हाे ।
