सुर्खेत। नेकपा एमाले कर्णाली प्रदेश कमिटीको पहिलो बैठक आज बस्ने भएको छ। समसामयिक विषयमा छलफल गर्न आज प्रदेश कमिटीको बैठक बोलाइएको एमाले नेता गुलावजंग शाहले जानकारी दिए।
हिजो कर्णाली प्रदेशका इन्चार्ज यामलाल कंडेलको प्रमुख आतिथ्य रहेको केन्द्रीय सदस्यहरूको बैठकले प्रदेश सम्मेलनलाई ऐतिहासिक बनाउने गरी तयारी गर्ने निर्णय गरेको शाहले जानकारी दिए।
‘माघ आठ गते आयोजना हुने प्रथम सम्मेलनलाई भव्य रूपमा सम्पन्न गर्नका लागि आवश्यक तयारी गर्न छलफल भएको छ,’ उनी भन्छन्, ‘सम्मेलन प्रतिनिधिमूलक हुने छ।’ सम्मेलनमा करिब सात सय जना सहभागी हुने उनले जानकारी दिए।
