मोरङ। मोरङको विराटनगरस्थित माछापुच्छ्रे बैंकको एटीएम मेशिनमा तोडफोड भएको छ। एटीएम मेशिन तोडफोड गरेको आरोपमा एक युवक पक्राउ परेका छन्। जिल्ला प्रहरी कार्यालयका प्रवक्ता प्रहरी नायब उपरीक्षक दीपक श्रेष्ठका अनुसार मोरङ रतुवामाई नगरपालिका ५ का पारस कालिकोटे बैंकको एटीएम तोडफोडका क्रममा पक्राउ परेका हुन्।
विराटनगर महानगरपालिका ५ कञ्चनबारीस्थित बैंकको एटीएम मेशिन आइतबार राति करिब साढे ९ बजे तोडफोड गरिरहेको अवस्थामा २१ वर्षीय कालिकोटेलाई प्रहरीले पक्राउ गरेको प्रवक्ता श्रेष्ठले जानकारी दिए। पक्राउ परेकामाथि थप अनुसन्धान भइरहेको प्रहरीले बताएको छ।
