सुर्खेत । जुम्लामा भएको ट्याक्टर दुर्घटनामा एक जनाको मृत्यु भएको छ । कालिकोटको थिर्पुबाट जुम्लाको बड्कीतर्फ जाँदै गरेको कर्णाली प्रदेश ०२–००१ त ०२८७ नम्बरको ट्याक्टर हिमा गाउँपालिका–२ ओदीमा दुर्घटनाहुँदा चालकको मृत्यु भएको हो ।
मृत्यु हुनेमा चन्दननाथ नगरपालिका–९ तलिउमका अन्दाजी ३६ वर्षीय नानु गिरी रहेको प्रहरी चौकी बड्की जुम्लाले जनाएको छ । उनको घटनास्थलमा मृत्यु भएको हो । दुर्घटनामा पलाता गाउपालिका–५ खिनका २१ वर्षीय सहचालक ऐनबहादुर बम घाइते छन् ।
उनको निधार, हात र मुखमा चोट लागेको छ । घाइते बमलाई थप उपचारको लागि कर्णाली स्वास्थ्य विज्ञान प्रतिष्ठान जुम्ला पठाइएको प्रहरीले जनाएको छ । ट्याक्टर अनियन्त्रितहुँदा सडक देखि अन्दाजी तीन सय मिटर तल खसेको प्रहरीले जनाएको छ ।
