काठमाडौँ।नेकपा माओवादी केन्द्रको नवनिर्वाचित कार्यसमितिको पहिलो बैठकले पार्टी अध्यक्षमा पुष्पकमल दाहालको चयन गरेको छ।बैठकका क्रममा पार्टीको अध्यक्षमा प्रस्ताव गरिएको पुष्पकमल दाहालको नाम सर्वसम्मतले पारित गरिएको हो।
सानेपास्थित हेरिटेज प्लाजामा आयोजित बैठकमा दाहालको नाम नेता नारायणकाजी श्रेष्ठले अध्यक्षमा प्रस्ताव गरेका हुन्।त्यस्तै, समर्थकमा कृष्णबहादुर महरा छन्।माओवादी महाधिवेशनका क्रममा आइतबार अध्यक्ष पुष्पकमल दाहालले २३६ जना केन्द्रीय सदस्यको चयन गरेका थिए।
