काठमाडौं । ग्लोबल आईएमई बैंक चालु आर्थिक वर्षको ६ महिनामा सबैभन्दा बढी नाफा गर्ने बैंक बनेको छ । बैंकले पुस मसान्तसम्म २ अर्ब ६६ करोड रूपैयँ नाफा गरेको हो जुन गत आवको यही अवधिभन्दा ३५ करोड रूपैयाँ बढी हो ।
बैंकले गत वर्षको पुस मसान्तसम्म २ अर्ब ३१ करोड ५१ लाख रूपैयाँ रूपैयाँ खुद मुनाफा गरेको थियो ।
बैंकले सार्वजनिक गरेको चालु आवको पुस मसान्तसम्मको वित्तीय विवरण अनुसार बैंकको वितरणयोग्य मुनाफा १ अर्ब ४८ करोड ५६ लाख रूपैयाँ छ ।
बैंकको ईपीएस २२.३९ रूपैयाँ कायम भएको छ । यस्तै पीई रेसियो १४.५६ रहेको बैंकले जनाएको छ । बैंकको प्रतिसेयर नेटवर्थ १४४.९७ रूपैयाँ छ ।
बैंकले ४ अर्ब ७९ करोड रूपैयाँ बराबरको खुद ब्याज आम्दानी गरेको छ जुन अघिल्लो वर्षको पुस मसान्तसम्म ४ अर्ब ७७ करोड रूपैयाँ थियो । बैंकको कस्ट अफ फन्ड र बेस रेट बढेको छ भने खराब कर्जा र ब्याजदर स्प्रेड कम भएको छ । वित्तीय विवरणअनुसार कस्ट अफ फन्ड, बेस रेट, खराब कर्जा र ब्याजदर स्प्रेड क्रमशः ६.१६, ७.९९, १.१३ र ३.५२ प्रतिशत छन् ।
