उदयपुर। जिल्लाको त्रियुगा नगरपालिका-११ गाईघाटमा पार्किङ गरि राखेको स्कारपियो गाडी र एक मोटरसाइकल आगजनी भएको छ। स्थानिय किसान राईको घरमा पार्किङ गरि राखेको प्रदेश १–२–००२ च ४३८५ नम्बरको स्कारपियो गाडी र स ३ प २२८३ नम्बरको मोटर साइकलमा मध्ये राति १ बजे आगजनी भएको हो।
आगजनी भएको १ घण्टापछि नगरपालिकाको दमकल र प्रहरी र स्थानीयको सहयोगमा आगो नियन्त्रणमा आएको थियो। उक्त स्कारपियो र मोटर साइकल जलेर पूर्णरुपमा नष्ट भएको छ।
आगजनीमा संलग्न भएको आरोपमा एक जनालाई प्रहरीले पक्राउ गरेको छ। आगो नियन्त्रण पछि एक जनालाई पक्राउ गरिएको र घटनाको बारेमा अनुसन्धान भइरहेको जिल्ला प्रहरी कार्यालय उदयपुरको एसपी सुवाशचन्द्र बोहोराले जानकारी दिए।
