जुम्ला।जिल्लाको पातारासी गाँउपालिका वार्ड न-२ तल्फीमा अस्थाई प्रहरी चौकीको स्थापना गरिएको छ । नागरिकलाई शान्ति सुरक्षा दिनका लागि प्रहरी चौकी स्थापना गरिएको छ ।मन्त्रिपरिषद्को निर्णय अनुसार पातारासी गाउँपालिकाको तल्फीगाउँमा प्रहरी चौकी स्थापना गरिएको हो ।
उक्त प्रहरी चौकीमा प्रहरी हवलदार सुरेन्द्रबहादुर बुढाको नेतृत्वमा पाँच जना प्रहरी कार्यरत कार्यरत रहेको प्रहरी नायव उपरीक्षक नरेन्द्र चन्दले बताए । यस्तै उनले भने प्रहरी चौकी स्थापनासँगै अपराधिक क्रियाकलाप नियन्त्रणमा सघाउ पुग्ने अपेक्षा गरिएको छ ।
प्रमुख जिल्ला अधिकारी विजयाकुमारी प्रसाईंले समाजमा हिंसा न्यूनीकरण एवं शान्ति सुरक्षा कायम गर्न नागरिक–प्रहरीबीचको सहकार्य आवश्यक रहेको बताइन् । त्यस्तै पातारासी गाउँपालिका अध्यक्ष लछिमन बोहोराका अनुसार दुर्गम गाउँबस्तीमा असुरक्षा बढेको अवस्थामा प्रहरी चौकी स्थापना हुदा सहज भएको छ । यहाँ अब शान्ति सुरक्षा कायम हुने अपेक्षा गरिएको छ ।
