दैलेख। संघीय सरकारले कर्णालीका ७९ ओटै पालिकामा आगामी आर्थिक वर्ष २०७९–८० का लागि बजेट बिनियोजन गरेको छ । दैलेखको नारायण नगरपालिकाले ४३ करोड ४९ लाख बजेट पाउँदा आठविस नगरपालिकाले ३६ करोड ५१ लाख पाएको छ । चामुण्डा विन्द्राशैनी नगरपालिकाले ३२ करोड ८६ लाख बजेट पाउँदा दुल्लु नगरपालिकाले ५५ करोड ८६ लाख बजेट पाएको हो ।
गाउँपालिकातर्फ गुराँस गाउँपालिकाले ३९ करोड ४८ लाख बजेट पाउँदा ठाँटीकाँध गाउँपालिकाले २७ करोड ४६ लाख बजेट पाएको छ । त्यस्तै, डुग्गेश्वार गाउँपालिकाले २६ करोड ८४ लाख बजेट पाउँदा नौमुले गाउँपालिकाले ३५ करोड ५९ लाख बजेट पाएको छ ।त्यस्तै भगवतीमाइ गाउँपालिकाले ३२ करोड ७३ लाख पाउँदा भैरवी गाउँपालिकाले २७ करोड ९१ लाख बजेट पाएको छ भने महाबु गाउँपालिकाले २९ करोड २४ लाख बजेट पाएको हो ।
