हुम्ला। जिल्लाको ताजाकोट गाउँपालिका –२ मैला बस्ने सुर्जविर लुहारको ७ वर्षिया छोरा मनिष लुहारको जीपको ठक्करबाट मृत्यु भएको छ। ताजाकोट गाउँपालिका –२ कवाडी बजार नजिकै ताजाकोटबाट धुलाचौर बाजुरा तर्फ जाँदै गरेको क.प्र.०२००१ ज ००४५ नम्वरको बोलेरो जीपले बालकलाई ठक्कर दिएको थियो ।
जीपको ठक्करबाट बालकको घटना स्थलमै मृत्यु भएको प्रहरी चौकी मैलाकवाडी हूम्लाले जानकारी दिएको छ ।घटनापछि जीप चालक कालिकोट रास्कोट नगरपालिका –४ बस्ने बर्ष २१ को छेतान शाही र गाडीलाई प्रहरीले नियन्त्रणमा लिएको छ ।
