सर्लाही। जिल्लाको लालबन्दी नगरपालिका–१७ बस्ने ४५ वर्षीय अशोक विकमाथि बाँसको लाठी प्रहार गरी हत्या गरेको अभियोगमा सोही नगरपालिका–११ बस्ने ३१ वर्षीय रवि विक शनिबार पक्राउ परेका हुन् ।
लालबन्दीको हिरापुर पानी ट्याङ्कीस्थित बारीमा तरकारी खेती गर्ने क्रममा बाँस ओसार्ने क्रममा विवाद हुँदा रविले उनकै मामा अशोकलाई बाँसको लाठीले प्रहार गरेका थिए । लाठी प्रहारबाट गम्भीर घाइते भएका अशोक विकलाई स्थानीय मोडल अस्पताल पुर्याइएको थियो ।
मोडलबाट थप उपचारका लागि प्रादेशिक अस्पताल जनकपुरतर्फ लैजाने क्रममा उनको बाटोमै मृत्यु भएको प्रहरीले जानकारी दिएको छ । । घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।
