काठमाडौँ ।हवाई उडान भइरहेका बेलामा टिकटक भिडियो बनाइरहेका तीन जना क्याबिन-क्रु कारवाहीमा परेका छन्।
बिहीबार हिमालय एयरलाइन्सका काठमाडौँ-दोहा रुटमा उडानमा रहेको एच९-५६३ उडान नंको जहाजमा पाकिस्तानको एयरस्पेसमाथि उडिरहेको समयमा एक पुरुष र दुई महिला एयरहोसस्टेस टिकटक बनाएको भिडियो सार्वजनिक भएपछि उनीहरूमाथि कारवाही थालिएको हो।
नेपाल नागरिक उड्डयन प्राधिकरणका अनुसार उडानका समयमा एयरहोसस्टेस या अन्य चालक दलका सदस्यले ध्यान अन्त गराउनु ‘इनफ्लाइट सेफ्टी’ विरुद्धको कसुर मानिन्छ। कसुर बमोजिम उनीहरूलाई ३ देखि ६ महिनासम्म उड्न नपाउने गरी कारवाही गरिने व्यवस्था छ।
प्राधिकरणका अनुसार उडान उडानको समयमा टिकटकमा रमाइरहेका ती तीन जनालाई ३ देखि ६ महिनासम्म उड्न नपाउने गरी कारवाही गरिएको हो। पछिल्लो समय नेपालमा यस्ता किसिमका लाप्रवाही र विमान दुर्घटनाहरू बढ्न थालेका छन्।
