काठमाडौँ।आज (शनिबार) बिहान काठमाडौँबाट गोरखा जाँदै गरेको ट्याक्सी चितवनस्थित त्रिशूली नदीमा खस्दा मृत्यु भएका पाँचै जना गोरखास्थित गोरखा नगरपालिकाको एकै वडाका बासिन्दा भएको प्रहरीले जनाएको छ।
मुग्लिन प्रहरीका अनुसार दुर्घटनामा उक्त ठेगनाका ट्याक्सी चालक ३५ वर्षीय अर्जुन शिर्मल, ट्याक्सीमा सवार ४१ वर्षीया हरिमायां रोकाय, ७० वर्षीया जुनकिरी रोकाय, २८ वर्षीया अञ्जना रोकाय र ९ वर्षीय आगमन रोकायको मृत्यु भएको हो।
एक यात्रु भने बेपत्ता छन्। उनी पनि गोरखा नगरपालिका–७ कै १८ वर्षीय दिवश रोकाय रहेको प्रहरीले जानकारी दिएको छ।
