सुर्खेत । मंगलवार जिल्लाको चौकुने गाउँपालिकाको तेस्रो बैठकलाई सम्वोधन गदैँ नेपाल कम्युनिस्ट पार्टी (एकीकृत समाजवादी)सुर्खेतका अध्यक्ष मोहनसिंह बडुवालले चौकुने गाउँपालिकामा आफुले नेतृत्व गरेको पार्टी नै पहिलो शक्ति हुने बताएका छन । सम्बोधनकै क्रममा अध्यक्ष बडुवालले प्रतिगामी तत्वहरुले जति चलखेल गरेपनी आफुले नेतृत्व गरेको नेकपा (एकीकृत समाजवादी) पार्टीलाई नै जनता बाट अनुमोदन हुने जिकिर गरे ।
जनता भनेका सत्यको पक्षको उभिन्छ्न, न्याय र समानताको पक्षमा उभिन्छन भन्दै अध्यक्ष बडुवालले आफू र आफ्नो पार्टी सधै सत्य र न्यायको बाटोमा हिड्ने र जनतालाई पनि सहिमार्गमा हिडाउने उद्घोष गरे । संविधानलाई कुल्चिने, पार्टी विधि, विधान अनुरुप नचलाउने र ९बा० प्रवृत्ति हाबी भएकोले पार्टी भित्र विद्रोह गरेर नेकपा (एकीकृत समाजवादी) पार्टी गठन गर्नु परेको बताए । अझै पनि जनताका आधारभूत आवश्यकताहरु पूरा नभएकोले आफुले यश क्षेत्रको विकासको लागिरहेको उनको भनाइ थियो ।साथै चौकुने गाउँपालिका वडा नं। ८ स्थित मिलनचोकमा नेकपा (एकीकृत समाजवादी) को पार्टी कार्यालय समेत उद्घाटन गरिएको छ।
कार्यक्रममा केन्द्रिय सल्लाहकार परिषद सदस्य नयाँराम बयक, पार्टी प्रदेश कमिटी सदस्य मनबहादुर बि.क. हरिप्रसाद खनाल, गोरखबहादुर शाही, रतन बि.क. युवा संघका कर्णाली प्रदेश कमिटी सचीव कमल कृष्ण पौड्याल, जिल्ला कमिटी सदस्यहरु अमर टमटा, प्रेमराज ढुङ्गाना, रमेश बौडेल लगाएतले शुभकामना मन्तव्य राखेका थिए । बैठकले चौकुनेका १० वटै वडाहरुमा आगामी योजना, बैठक, भेला तथा कमिटी निर्माणको काममा तीव्रताका अगाडि बढाउनको लागि २ हप्ते कार्यक्रम सार्वजनिक गरेको छ । बैठकले चौकुनेमा युवा संघको अध्यक्षमा तुला बिष्ट र अखिल नेपाल किसान महासंघको अध्यक्षमा नवराज देवकोटालाई समेत जिम्मेवारी दिईएको छ ।कार्यक्रम गाउँपालिका कमिटीका अध्यक्षका लछिराम आलेको अध्यक्षता बसेको थियो भने कमिटीका उपसचिव अमर पुलामीले कार्यक्रम संचालन गरेका थिए ।
