काठमाडौं। नेपाली काँग्रेस संस्थपनइतर समूहका नेताहरू वरिष्ठ नेता रामचन्द्र पौडेललाई भेट्न बोहराटार पुगेका छन्। संस्थापनइतर समूहबाट सभापतिका लागि साझा उम्मेदवार तयका विषयमा छलफल गर्न नेताहरू बोहराटार पुगेका हुन्।
काँग्रेसको १४ औं महाधिवेशन औपचारिक रूपमा सुरु हुनै लाग्दा पनि उम्मेदवारको टुंगो लगाउन सकेको छैन। संस्थापनइतर समूहमा पूर्वमहामन्त्री प्रकाशमान सिंह र केन्द्रीय सदस्य शेखर कोइराला दुवैले उम्मेदवारी दिने अडान राखेका छन्। दुवैले सामाजिक सञ्जालमार्फत प्रचारप्रसार थालिसकेका छन्।
वरिष्ठ नेता रामचन्द्र पौडेलले भने कोइराला र सिंहबीच सहमति नभए आफू महाधिवेशनमै नजाने बताएका छन्। संस्थापन इतरबाट पार्टी सभापतिको साझा उम्मेदवार तय गर्न नसकेपछि पौडेललाई भेट्न बोहराटार गएका हुन्। अहिले पौडेलसँग छलफल गर्न बलबहादुर केसी, मीनेन्द्र रिजाल र महामन्त्रीका प्रत्याशी गगन थापा पौडेल निवास पुगेका छन्।
