काठमाडाैं। नेकपा एकीकृत समाजवादीले ३१ वटा विभाग गठन गरेको छ । अध्यक्ष माधवकुमार नेपालले केन्द्रीय कमिटीको दोस्रो बैठक र त्यसपछि विभिन्न मितिमा भएका केन्द्रीय सचिवालयका बैठकले गरेका विभिन्न निर्णयहरूको जानकारी र कार्यान्वयनका निम्ति अन्तरपार्टी निर्देशन–३ जारी गर्दै सो कुराको जानकारी गराएका हुन् ।
केन्द्रीय सचिवालयका विभिन्न बैठकले विभागहरु गठन गरी जिम्मेवारी बाँडफाँड गरिएको अपानीमा उल्लेख छ । अध्यक्ष नेपालले जारी गरेको अन्तरपार्टी निर्देशनमा २ वटा प्रदेश कमिटी अनुमोदन गरेको उल्लेख छ ।
जसमा प्रदेश १ मा बलदेव चौधरीको अध्यक्षतामा २४५ सदस्यीय कमिटी बनाएको छ भने प्रकाश ज्वाला इन्चार्ज र अम्मरबहादुर थापा अध्यक्ष रहेको १६६ कर्णाली प्रदेश कमिटी गठन गरिएको छ । सो पार्टीले बाँकी प्रदेश कमिटीहरूलाई आ–आफ्ना प्रदेश कमिटी विस्तार गरी अनुमोदनका लागि केन्द्रमा पठाउन निर्देशन दिएको छ ।
