सोलुखुम्बु। सोलुखुम्बुमा निर्माण भइरहेको सोलुखोला दुधकोशी जलविद्युत् आयोजना परीक्षणको क्रममा दुई इञ्जिनियरको मृत्यु भएको छ भने अर्का एक घाइते भएका छन्। टनेल पाइपमा पानी हालेर परीक्षण गर्ने क्रममा पाइप फुटेर दुर्घटना भएको हो।
मृत्यु हुनेमा माछापुच्छ्रे मेटल एन्ड मेकानिकल कम्पनीका इञ्जिनियर अछामका सुवास रेग्मी र काभ्रे घर भएका कन्सल्ट्यान्ट इञ्जिनियर अर्जुन थापा छन्। म्यानेजर मोहम्मद राइन गम्भीर घाइते छन्।
पाइपको विस्फोटन लगत्तै बेहोस भएका रेग्मी र थापालाई उपचारका लागि ओखलढुंगा अस्पताल लगिएको थियो। अस्पतालमा पु¥याउदा साथ चिकित्सकले उनीहरुलाई मृत घोषणा गरेको थियो। घटनामा हाइड्रो मेकानिकल कम्पनीका प्रोजेक्ट म्यानेजर राइन गम्भीर घाइते भएका छन्। घाइते राइनको काठमाडौंको ग्रान्डी अस्पतालमा उपचार भइरहेको छ ।
