मोरङ – नेकपा एमालेका नेता हिक्मत कार्की प्रदेश १ को मुख्यमन्त्रीमा नियुक्त भएका छन्।उनको शपथ सोमबार प्रदेश प्रमुख परशुराम खापुङले गर्नेछन्।
उनलाई प्रदेश प्रमुख खापुङले संविधानको धारा १६८ को उपधारा २ बमोजिम आइतबार साँझ मुख्यमन्त्रीमा नियुक्त गरेका हुन्।
कार्कीले ६० प्रदेशसभा सदस्यको समर्थनसहित आजै प्रदेश प्रमुखसमक्ष मुख्यमन्त्रीमा दाबी पेश गरेका थिए। कार्की झापा ५ को (क)बाट प्रदेशसभा निर्वाचित भएका हुन्।उनलाई नेकपा माओवादी केन्द्र, राप्रपा र जसपाले समर्थन गरेको छ।
९३ सदस्यीय प्रदेशसभामा एमालेका ४०, नेकपा माओवादीका १३, राप्रपाका ६ र जसपाका एक सांसद छन्।सरकारबाहिर प्रमुख प्रतिपक्षी दल नेपाली कांग्रेसका २९ र नेकपा एकीकृत समाजवादीका ४ सांसद छन्।
