धन बहादुर भण्डारी
हुम्ला। मंगलबार साझदेखि लगातार जिल्लामा हिउँ परेको छ । लगातारको हिमपातले जिल्लाभर जनजीवन कष्टकर भएको छ ।जिल्लामा यो वर्ष तेस्रो पटकको हिमपात भएको हो । तर मंगलबार साझँदेखि भने ठूलो हिँमपात भएको हो ।
यसअघि होचा क्षेत्रमा हिउँ नपरेर वर्षा भएको भए पनि यसपटक भने कर्णाली नदीको तीरसम्मै हिउँ परेको छ । तापक्रम माइनस १२ डिग्रीमा पुगेको छ । बजार क्षेत्रमा फाट्फुट् खुले पनि मानिसको आवतजावत निकै कम देखिएको छ ।
