काठमाडौं। जल तथा मौसम पूर्वानुमान महाशाखाका अनुसार देशका अधिकांश भागमा आज पनि वर्षा र हिमपातको सम्भावना रहेको छ।
बुधबार रातिदेखि कर्णाली प्रदेशदेखि पूर्वका अधिकांश स्थानमा वर्षा भएको र केही स्थानमा अहिले पनि वर्षा भइरहेको पनि महाशाखाले जनाएको छ।
काठमाडौं उपत्यकामा गएराति मेघ गर्जन र चट्याङसहित वर्षा भयो भने उपत्यकामा आज बिहान ६ बजेको तापक्रम ६ डिग्री सेल्सियस रहेको थियो।
देशैभरका पहाडी भेगमा आज दिनभर बदली रहने संभावना रहेको छ। उपत्यकामा भने दिउँसो घाम लाग्ने पनि महाशाखाले जनाएको छ।
उच्च पहाडी र हिमाली भेगमा हिमपातको सम्भावना रहेको जनाइएको छ। न्यून चापीय प्रणाली कमजोर हुदै गएकाले वर्षा हुने क्रम केही दिनलाई रोकिने र न्यून चापीय प्रणाली केही दिनपछि सक्रिय हुने संभावना रहेको छ।
