धनबहादुर भण्डारी
हुम्ला। जिल्ला प्रशासन कार्यालय हुम्लाले सोमबार देखि सेवा सुचारु गरेको छ । कार्यालयका निमित्त प्रमुख जिल्ला अधिकारी दशरथ राईलाई कोरोना संक्रमण भएपछि एक हप्तादेखि जिल्ला प्रशासन कार्यालय हुम्लाले कार्यालयको सबै सेवा बन्द गरेको थियो ।
निमित्त प्रजिअ राई कोरोना मुक्त भए संगै तोकिएको आइसोलेशन बस्ने अवधि सकिएपछि कार्यालय सुचारु गरिएको जिल्ला प्रशासन कार्यालयको स्रोतले बताएको छ । कार्यालयले सेवा सुचारु गरेपछि सेवाग्राहीलाई रोकिएको काम कार्य गर्न सहज भएको छ । सेवाग्राहीले उक्त कार्यालयमा सेवा लिदाँ अनिवार्य मास्क प्रयोगगरि खोप कार्ड तथा सामाजिक दूरी कायम गरेर सेवा सुचारु गरिएको छ ।
