सुर्खेत। जाजरकोटमा दुई बालकको डुबेर मृत्यु भएको छ। जाजरकोटको भेरी नगरपालिका–१३ का ८ वर्षीय पाण्डप बस्नेत र ९ वर्षीय प्रमोद बस्नेतको मृत्यु भएको हो। उनीहरू शुक्रबार खानेपानी तथा सिँचाइका लागि बनाइएको पोखरीमा डुबेका हुन्। खाजा खाएर दिउँसो ३ बजे परिवारका सदस्यलाई समेत जानकारी नदिई पौडी खेल्न गएका थिए।
बेलुकी पोखरीमा बेहोश अवस्थामा भेटिएका दुबै जनालाई तत्काल नजिकैको अस्पताल लगिएको थियो। तर अस्पताल पुर्याएलगत्तै चिकित्सकले उनीहरूलाई मृत घोषणा गरेको जिल्ला प्रहरी कार्यालय जाजरकोटका डिएसी सन्तोष निरौलाले जानकारी दिए।
