दैलेख। अनेरास्ववियूकी केन्द्रीय सचिव मनिषा कार्की दैलेखको चामुण्डा विन्द्रासैनी नगरपालिकाको मेयरमा सिफारिस भएकी छन्। दैलेखमा भएको नेकपा एकीकृत समाजवादी पार्टीको छलफलबाट युवा नेतृ कार्कीलाई मेयरमा सिफारिस गरिएको हो।
सानै उमेरदेखि विद्यार्थी राजनीतिमा सक्रिय कार्कीले हाल नेकपा एकीकृत समाजवादीको विभिन्न कमिटीमा रहेर काम गर्दै आएकी छन्। विद्यार्थी नेतृको रुपमा चिनिने उनले विद्यार्थी हक हितका लागि सधै अग्रसर भएर तथा समाजका लागि बेलाबेला सडक तथा पार्टीमा उनले आवाज उठाइदै आईरहेकी छन्।
सानै उमेरदेखि विद्यार्थी राजनीतिमा सक्रिय कार्की दैलेख तथा समग्र कर्णालीमा नै महिला तथा विद्यार्थी युवा माझ लोकप्रिय छन्। पार्टीले उनको योगदान र क्षमताको कदर गर्दै उनलाई चामुण्डा विन्द्रासैनी नगरपालिकाको मेयरमा सिफारिस गरेको हो। चामुण्डा विन्द्रासैनी नगरप्रमुखमा अन्य दुई जनाको नाम पनि सिफारिस भएकाे छ।
