बाँके।सत्ता गठबन्धनले ६ महानगरपालिका र ११ उपहानगरपालिकाको भागवण्डा मिलाएको छ।चार दिनको अथक प्रयासपछि सत्ता गठबन्धनमा आबद्ध पाँच दलले महानगर र उपमहानगरपालिकाको भागवण्डा टुंग्याएका हुन्।
बालुवाटारमा जारी शीर्ष नेताहरुको बैठकले विवादित नेपालगञ्ज महानगरपालिका कांग्रेसले लिने सहमति भएको छ। सहमतिअनुसार कांग्रेसको भागमा ३ महानगर र ७ वटा उपमहानगरपालिका परेको छ। नेपालगञ्जमा जसपाले पनि दाबी गरेको थियो।
धरान, इटहरी, कलैया, बुटवल, तुलसीपुर, नेपालगञ्ज र धनगढीको प्रमुख कांग्रेसले पाउने भएको छ। माओवादी केन्द्रले बाराको जीतपुर–सिमरा र दाङको घोराही उपमहानगरपालिकाको नेतृत्व पाएको छ। एकीकृत समाजवादीले हेटौंडा र जनता समाजवादी पार्टीले जनकपुर उपमहानगरपालिकाको पाएका छन्।
महानगरमा भने मंगलबार नै भागवण्डा मिलेको थियो। जसमा कांग्रेसले काठमाडौँ, ललितपुर र विराटनगर पाउनेछ भने माओवादीले भरतपुर, समाजवादीले पोखरा र जसपाले वीरगञ्ज महानगरपालिकाको नेतृत्व पाएको छ।एउटाको नेतृत्व भएको ठाउँमा अर्को दलको उपप्रमुख हुने गरी भागवण्डा मिलाइएको छ।
