काठमाडौं। नेकपा एमालेको पोलिटब्युरो बैठक आज सोमबार बस्दैछ। स्थानीय तह निर्वाचन र समसामयिक राजनीतिक विषयमा छलफल गर्न बैठक बबरमहलस्थित कार्की बैंक्वेटमा बिहान ११ बजे लागि तय भएको छ।
एमाले प्रचार विभाग उपप्रमुख विष्णु रिजालले निर्वाचन घोषणापत्र, उम्मेदवार चयन कसरी गर्ने लगायत विषयमा छलफल हुने बताए।पोलिट ब्युरोमा ९९ जना छन्। स्थानीय तहको निर्वाचन हुन ५३ दिन बाँकी छ। एमालेले निर्वाचन घोषणा पत्र सार्वजनिक गर्न बाँकी छ।एमालेले आगामी चैत ९ र १० गते केन्द्रीय कमिटीको बैठक पनि बोलाएको छ। यसैगरी चैत १३ गते स्थायी कमिटीको बैठक बस्ने तय भएको छ।
