काठमाडौं। इण्डियन प्रिमियर लिग (आईपीएल) को १५ औँ सिजनको सुरुवात आजदेखि सुरु हुँदैछ। उद्घाटन खेलमा गत विजेता चेन्नई सुपर किंग्स (सीएसके) र उपविजेता कोलकाता नाइट राइडर्सबीच प्रतिस्पर्धा हँदैछ।
चेन्नई र कोलकाताबीचको खेल बेलुकी ७.४५ देखि वाङ्खडे स्टेडियममा सुरु हुनेछ। यो पटक चेन्नई र काेलकाताकाे कप्तानी नयाँ खेलाडीले गर्दै छन्। आसन्न सिजनको लागि चेन्नईको कप्तानी रवीन्द्र जडेजा र कोलकाताको कप्तानी श्रेयस अय्यर सम्हाल्ने छन्।
हालसम्म चेन्नईले चार र कोलकाताले २ पटक आईपीएलको उपाधि हात पारेको छ। कोलकाताले अन्तिम पटक २०१४ मा आईपीएल उपाधि हात पारेको थियो। चेन्नई र कोलकाता आजको खेल जितेर लिगमा विजयी सुरुवात गर्न चाहन्छन्।
चेन्नईकाे सम्भावित प्लेइङ-११ : ऋतुराज गायकवाड, रोबिन उथप्पा, डेभन कन्वे, अम्बाती रायडू, रवीन्द्र जडेजा (कप्तान) शिवम दुबे, महेन्द्र सिंह धोनी (विकेटकीपर), ड्वेन ब्राभो, राजवर्धन हङ्गारगेकर, क्रिस जोर्डन, महेश थेक्षाना र एडम मिल्ने।
कोलकाताको सम्भावित प्लेइङ-११ : वैंकटेश अय्यर, अजिंक्य रहाणे, श्रेयस अय्यर (कप्तान), नितिश राणा, साम बिलिङ्स (विकेटकीपर), आन्द्रे रसेल, सुनिल नारायण, चमिका करुणारत्ने, शिवम मावी, वरुण चक्रवर्ती, उमेश यादव/रशिख सलाम दार।
