काठमाडौँ।नेपाली कांग्रेसका सभापति शेरबहादुर देउवाले उपसभापति पूर्णबहादुर खड्कालाई कार्यवाहक सभापतिको जिम्मेवारी दिएका छन्। प्रधानमन्त्रीको हैसियतमा छिमेकी राष्ट्र भारतको भ्रमणमा जानु परेपछि उनले उपसभापति खड्कालाई कार्यवाहक सभापतिको जिम्मेवारी दिएका हुन्।
पार्टीको विधान २०१७ (संशोधन सहित) को धारा २५ को उपधारा (१३) बमोजिम स्वदेश नफर्कुन्जेलसम्मका लागि उपसभापति खड्कालाई कार्यवाहक सभापति तोकिएको कांग्रेस मुख्य सचिव कृष्णप्रसाद पौडेलले जानकारी दिए।
