तनहुँ ।नाबालिग किशोरीमाथि जबरजस्ती करणी गरेको आरोपमा तनहुँ प्रहरीको थुनामा रहेका अभिनेता पल शाहको अनुसन्धान मिसिल प्रहरीले सरकारी वकिल कार्यालयमा सोमबार बुझाएको छ। सरकारी वकिलको कार्यालयले उक्त मिसिल अध्ययनपछि जिल्ला अदालतमा दर्ता गर्ने जानकारी दिएको छ।
यसअघि अभिनेता पल शाहबिरुद्ध पूर्व नवलपरासी जिल्ला अदालतमा बलात्कार आरोपमा अनुसन्धान मिसिल दर्ता भइसकेको छ।अभिनेता शाहले एक नाबालिग किशोरीलाई बिहे गर्छु भन्दै पटकपटक जबर्जस्ती करणी गरेको भन्दै ती किशोरीले तनहुँ जिल्ल प्रहरी कार्यालय र गैँडाकोट प्रहरीमा उजुरी दिएकी थिइन्।
नवलपुरमा दर्ता भएको मिसिलमा अभिनेता शाहले ती किशोरीमाथि बलात्कार गरेको पुष्टि भएको भन्दै १६ वर्ष सजाय दिन माग गरिएको छ।
फागुन ११ गते तनहुँ जिल्ला प्रहरी कार्यालयमा उजुरी परेपछि पक्राउ पूर्जी जारी भएपछि अभिनेता पल शाह गत फागुन १५ गते प्रहरी नियन्त्रणमा पुगेका थिए। उनलाई ७ दिन, १२ दिन र ५ दिन गरी २४ दिन म्या थप गरी थुनामा राखिएको थियो।
