काठमाडौँ।त्रिकोणात्मक टी–२० अन्तर्राष्ट्रिय क्रिकेट सिरिजको फाइनलमा नेपालले पपुवा न्यु गिनी (पीएनजी)लाई १६९ रनको लक्ष्य दिएको छ।पीएनजीले टस जितेर फिल्डिङ रोजेपछि पहिले व्याटिङ गरेको नेपालले निर्धारित २० ओभरमा ६ विकेटको क्षतिमा १६८ रन बनाएको हो।
नेपालका लागि दीपेन्द्रसिंह ऐरीले अर्धशतक बताए। ३८ बलको सामना गरेका उनले ५ चौकाको मद्दतमा ५४ रन जोडे। यस्तै करण केसीले विष्फोटक व्याटिङ गर्दै १२ बलमा ३३ रन बनाउँदा आशिफ शेखले २९, कुशल भुर्तेलले २५, र मोहम्मद आदिल आलमले १५ रन जोडे।
बलिङतर्फ पीएनजीका सेमो कामियाले तीन तथा चाड सोपर, कबुआ मोरेअ र रिले हेकुरेले एक–एक विकेट लिए।नेपाल लिग चरणमा अपराजित रहँदै फाइनल पुगेको हो भने लिग चरणका चारमध्ये एक खेल मात्रै जितेको पीएनजीले नेट रनरेटमा मलेसियालाई पछि पार्दै फाइनल प्रवेश गरेको हो।
