काठमाडौं। पछिल्लो चौबिस घण्टामा नेपालमा थप २४ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार सोमबार २४ जनामा कोरोना पुष्टि भएको हो।
आज ५ हजार ५ सय ८७ जनाको कोरोना परीक्षण गर्दा उक्त संख्यामा संक्रमित थपिएको मन्त्रालयले जनाएको छ। सोमबार ३ हजार २७८ जनाको पीसीआर र २ हजार तीन सय ९ जनाको एन्टिजेन परीक्षण गरिएको थियो।
पछिल्लो चौबिस घण्टामा ५१ जना संक्रमित निको भएका छन्। त्यस्तै, सोमबार कोरोनाका कारण मृत्यु हुनेको संख्या शून्य रहेको मन्त्रालयले जनाएको छ। हाल देशभर सक्रिय संक्रमितको संख्या ८ सय १२ जना रहेको मन्त्रालयले जनाएको छ।
