सुर्खेत । सुर्खेतको वीरेन्द्रनगरमा मंगलबार दुई दिने मतदाता शिक्षा तालिम सम्पन्न भएको छ । नेपाल युवा संस्था संजाल (आयोन) को आयोजनामा मतदाता शिक्षा तालिम सम्पन्न भएको हो । तालिममा स्थानिय तहको अवधारण तथा स्थानीय निर्वाचन प्रणालीका बारेमा संस्थाका केन्द्रिय महासचिव खिमानन्द देवकोटाले सहजिकरण गरेका थिए ।
आगामी वैशाख ३० गते हुन गइ रहेको स्थानिय तह निर्वाचनलाई ध्यानमा राख्दै चुनावलाई भयरहित वातावरणमा मतदान तथा निर्वाचन आचरसंहिता लगायतका विषयमा प्रकाश पारिएको थियो ।
आगामी निर्वाचनका सन्दर्भमा निर्वाचन आयोगको तयारीका विषयमा सञ्चार क्षेत्रलाई जानकारी गराइने देवकोटाको भनाई थियो ।तालिमको समापन गर्दै आयोनका उपाध्यक्ष मिना शाहिले मतदाता शिक्षा तालिमले आगामी निर्वाचनमा आउन सक्ने सम्भावित अज्ञानतालाई चिर्ने आशा व्यक्त गर्दै तालिममा सहभागीहरुलाई धन्यवाद ज्ञापन गरिन ।तालिममा सुर्खेतका विभिन्न स्थानीय तहका २७ जना प्रशिक्षार्थीको सहभागीता रहेका थियो ।
