झापा।पूर्वी नेपालमा बसोबास गर्न आदिवासी समुदायले नयाँ वर्षको अवसरमा मनाउने सिरुवा पर्व आजदेखि धुमधामका साथ मनाउन शुरु गरेका छन् राजवंशी, धिमाल, ताजपुरिया लगायतका आदिवासी समूदायले वैशाख १, २ र ३ गते पानी, हिलो र रंग छ्यापछ्याप गरेर सिरुवा मनाउने गर्छन्।
झापा, मोरङ र सुनसरी जिल्लामा बसोबास गर्ने आदिवासी बहुल क्षेत्रहरु सिरुवामय बनेका छन्। सिरुवा पर्वका अवसरमा ठाकुरबिसरी, ठाकुरब्रह्माणी, घाटोसरीसहित कूल देवीदेवताको पूजा गर्ने प्रचलन छ।आज नयाँ बर्ष शुरुवातका दिन पानी सिरुवा मनाउने चलन छ भने २ गते काद सिरुवा र ३ गते रंग सिरुवा मनाउने चलन छ।
