काठमाडौं। नेकपा (माओवादी केन्द्र) का अध्यक्ष प्रचण्डले चितवनको भरतपुर महानगरपालिकामा रेनु दाहालका लागि मेयर नमागेको बताएका छन्।पार्टी केन्द्रीय कार्यालय पेरिसडाँडामा गरिएको पत्रकार सम्मेलनका क्रममा अध्यक्ष प्रचण्डले भरतपुर महानगर नै चाहिने र मेयरमा रेनुलाई नै उठाउनुपर्ने दाबी आफूहरूले नगरेको बताएका हुन्।
६ वटा महानगरपालिकामा माओवादी केन्द्रले एउटा पाउने भन्दै सहमतिका आधारमा जुनसुकै दिए पनि लिने प्रचण्डको भनाइ छ।प्रचण्डले भने, ‘माओवादीलाई भरतपुर नै नभई नहुने र रेनु नै नभई भन्ने कुनै अडान छैन। ६ वटामा एउटा एउटा त माओवादीले पाउला। काठमाडौं दिए पनि हुन्छ। विराटनगर दिए हुन्छ। भरतपुर नदिए पनि ठिकै छ।’
