काठमाडौँ। गण्डकी प्रदेशका अर्थमन्त्री रामजी बरालको गाडीले ठक्कर दिँदा पोखरामा एक जनाको मृत्यु भएको छ ।अर्थमन्त्री बराल चढने ग १ झ ४४५ नम्वरको गाडीले नयाँ वर्षको दिन ठक्कर दिँदा घाइते भएका तनहुँ एक्लेखेतका मीनबहादुर पाइजाको मृत्यु भएको हो ।
गम्भीर घाइते भएका उनलाई मनिपाल अस्पतामा उपचार भैरहेकोमा उपचारकै क्रममा उनको मृत्यु भएको हो ।ग १६ प ५१८१ नम्वरको मोटरसाइकलमा सवार मीनबहादुर र उनको श्रीमती घाइते भएका थिए।उनकी श्रीमतीको अवस्था भने सामान्य छ ।गाडी तीब्र गतिमा भएकाले दुर्घटना भएको प्रत्यक्षदर्शीले बताएका छन ।
