काठमाडौँ ।त्रिभुवन विमानस्थलबाट दुई केजी सुनसहित दुई जना पक्राउ परेका छन्।महानगरीय अपराध महाशाखाको टोलीले दाङका सीताराम चौधरी र सिरहाका सरोज सहानीलाई पक्राउ गरेको हो।
नेपाल एयरलाइन्सको विमानमार्फत दुबईबाट आएका उनीहरुलाई विमानस्थलको पार्किङ क्षेत्रबाट पक्राउ गरिएको प्रहरीले जनाएको छ।उनीहरुले सुनलाई धुलो बनाएर कट्टुमा फल्स बटम बनाएर त्यसैमा लुकाई ल्याएको प्रहरीले जनाएको छ।
