सु्र्खेत। कर्णाली राजमार्ग अन्तर्गत दैलेखको आठविस नगरपालिका २ सिस्नेमा भएको बस दुर्घटनामा मृत्यु हुनेहरुको खनाखत भएको छ । कालिकोटबाट नेपालगञ्जतर्फ जाँदै गरेको म १ ख ६६० नम्वरको बस सिस्नेमा बुधवार राति ८ बजे दुर्घटना परेर चार जनाको मृत्यु भएको थियो।
मृत्युहुनेमा दैलेख दुल्लु नगरपालिका ९ का प्रेम सुनार र काशीराम पाण्डे ,कालिकोट पलाँता गाउँपालिका ३ का ज्ञान बहादुर बम र धनकला शाही रहेको जिल्ला प्रहरी कार्यालय दैलेखका प्रमुख भुबनेश्वर शाहले जानकारी दिए ।
बसमा ६२ यात्रु सवार भएको हुनसक्ने अनुमान गरिएको छ ।तिमध्ये ३९ जना घाइते भएको प्रहरीले जनाएको छ। उनीहरुले स्थानीइ स्वास्थय चौकी र कर्णाली प्रदेश अस्पताल सुर्खेतमा उपचार भइरहेको छ ।
